不客气，等你淘到便宜货，要报告哦，
買二手機要注意既事項：
大家唔知仲記唔記得有位前輩叫做Ball Lam的???
早前提過一D有關買二手器材所需注意事項，小弟覺得好有用，所以又想和各位分享一下。
鳴謝Ballam兄的資料。
--------------------------------------------------------------------------------
笫一：Check o下部機d鑼絲有冇花，如果有花好大機會比人拆過，
甚至〔鑊到七彩〕整過，呢樣野唔使問人，一定要自己睇，因為你問十個，
十一個都會答你部機冇整過，一際正常。
笫二：如果買膽機，最好聽清楚部機有冇太大雜聲或者怪聲，因為話明係二手，
冇可能知道上一手玩左幾耐，如果真係有太大雜聲，買番來可能要自己換過d膽。
笫三：如果買原子粒機，咁就問題唔大，不過最好聽多幾隻歌，
聽清楚會唔會左右聲道唔同聲，因為你
唔知上一手有冇燒過機，返廠整固然之無問題，但係你至怕佢貪平，
求其搵一d所謂師博整，出到聲就拿拿林推番出來買算數。
笫四：最緊要行多兩間，比較下個價錢，如果價錢平過其它鋪頭好多，
咁就一定要睇清楚／聽清楚，因為可能上一手〔有鑊〕，太貴就更係唔買啦！
旺角花園街影音寄賣，潻置都有好多二手鋪，總之自己執生，
一發現有乜唔妥就唔好比錢，比左錢之後就要立即拿機走人，
最好搵多兩個熟呢d野既朋友一齊睇就實冇走雞。
記住，香港地好多古惑招出，特別係二手Hi-Fi，小心！
Ball
